ليه الطباعة الديجتال أسرع من الطباعة الأوفسيت؟!
كتير مننا بيسمع جملة “الطباعة الديجتال أسرع من الطباعة الأوفست” وبيسأل نفسه “فعلاً لية الديجتال أسرع من الاوفسيت في عملية الطباعة؟!” ..
وده يخلينا في مطبعة بسيت بوست في مدينة السادات نتكلم بشكل موسع أكتر، عن أبرز تقنيتين في عالم المطبوعات الورقية، وهُما طباعة الديجيتال وطباعة الأوفسيت في اكبر مطبعة بمدينة السادات – بيست بويست -، وأبرز أنواع الخامات الي بنستخدمها عند الطباعة، والمقاسات والأحجام المتنوعة للمنتجات الورقية الدعائية، وأمثلة على كل منتج بياخد نوع ايه من الورق؟! ومقاساته الثابتة بتكون ايه؟! وهنتعرف سوا على مميزات كل طباعة وعيوبها، تابعوا معانا..
الطباعة الديجتال في بيست بوست
لو عايز مطبوعاتك تجهز في أسرع وقت ومش بتدق أوي على موضوع التكلفة علشان عامل الوقت أهم بالنسبالك، فالطباعة الديجتال هي خيارك الأمثل، لأنك هتستلم مطبوعات شيك، بأحبار ثابتة، وألوان زاهية من أول ورقة لحد آخر ورقة، في وقت سريع جداً.
الطباعة الاوفسيت في مطبعة بيست بوست بمدينة السادات
لو عامل التكلفة بالنسبالك مهم وفيه المساحة اللي تقدر فيها تستنى على استلام مطبوعاتك، يبقى مافيش حل أمثل من ماكينة الطباعة الأوفسيت في اكبر مطبعة في مدينة السادات ، اللي تُعتبر أقدم من الطباعة الديجتال وبيعتمد عليها أكتر من 60% من منتجات الدعاية والاعلان و الطباعة ..
ايه الفرق بين الطباعة الديجتال والطباعة الاوفسيت؟
1. الوقت:
الطباعة الديجتال في شركة بييست بوست بيتم طباعة الملف اللي فيه التصميم من على جهاز الكمبيوتر مباشرة للطابعة، وهنا بنقول طابعة، لأن ماكينة الطباعة الديجتال شبه طابعة ضخمة، وده بيخلي عملية الطباعة على ماكينة الطباعة الديجتال ما بتاخدش وقت وبيتم التسليم في الوقت المحدد.
أما الطباعة الأوفسيت في مطبعة بيست بوست بمدينة السادات بتحتاج تجهيزات كتيرة قبل الطباعة، زي فصل الألوان عن طريق تجهيزها على زنكات بعدد الألوان الموجودة في التصميم، وبعد كده الزنكات دي بتتركب على ماكينة الطباعة الاوفسيت في اكبر شركة دعاية واعلان بمدينة السادات في شركة بيست بوست ، وبعدين يبتدي المسؤول عن الطباعة يظبط الألوان والكروسّات على الماكينة والشبكات، وبعدين بتتم عملية الطباعة، والأكيد ان كل التجهيزات دي بتاكل وقت كبير وده بيأخر وقت التسليم بخلاف سرعة الطباعة الديجتال في التسليم.
2. التكلفة والكمية
الطباعة الديجتال معروف عنها تكلفتها العالية، وبنلاقي ان الأنسب لها هو الكميات الصغيرة، على سبيل المثال لو عايز تعمل 500 كارت في وقت أقل، أو عايز تعمل بروفة على شكل الكارت بتاعك قبل ما يتطبع وده لأنها بتقدر تطبع من نسخة لحد 1000 نسخة، خلاف الطباعة الأوفسيت اللي ما بتقدرش تطبع غير كميات كبيرة.
أما الطباعة الأوفسيت تكلفتها أقل من الطباعة الديجتال، وبنلاقي ان الطباعة عليها بتكون عدد بيتم تقديره بالآلاف، لأنه صعب الطباعة عليها ورقتين تلاتة أو حتى 200 ورقة، وده وضحناه قبل كده لما قولنا ان اللي يوفرلك الخيار ده الطباعة الديجيتال، وده بيرجع لتكلفة الزنكات الثابتة والورق اللي بيحتاج يتظبط قبل الطباعة، ومافيش حد هايرضى انه يهدّر خام وورق علشان يطبع ورقتين على الماكينة الأوفسيت.
3. الجودة في شركة بيست بوست
يعتبر في حالة الجودة ان الطباعة الديجتال والطباعة الاوفسيت عالية،، لكن الطباعة الاوفسيت بتنفع أكتر للمسطحات الكبيرة لأن الطباعة الديجتال بيعمل حاجة اسمها Clouds أو تبقيع للأرضيات الكبيرة.
4. الألوان
الطباعة الديجتال في مطبعة بيست بوست بمدينة السادات أول ورقة ألوانها زي آخر ورقة، بجانب وجود أربع ألوان رئيسية اسمهم CMYK ودول اختصار لأربع ألوان هُما (سيان “لبني” ، ماجينتا “درجة من الأحمر” ، الأصفر ، الأسود) وهُما دول الألوان اللي متبرمجة عليهم الطباعة الديجتال علشان كده ما ينفعش يتم اضافة أي لون تاني.
أما الطباعة الاوفسيت في مطبعة بيست بوست في مدينة السادات بجانب الأربع ألوان الرئيسية الموجودين في الطباعة الديجتال يمكن اضافة لون أو لونين أو 3 ألوان (سبوت/ سبيشيال/ بانتون) .. ولو عايز تتعرف أكتر على معاني الألوان دي تقدر تزور مقالتنا عن ألوان الطباعة.
5. أوزان الورق في مطبعة بيست بوست
الطباعة الديجتال 300 جرام أعلى وزن للورق الطباعة الأوفسيت أي وزن ورق لحد طباعة الكارتون.
ايه هي أنواع الورق اللي بيتم الطباعة عليه؟
الانتاج المحلي من الورق قليل جداً، ومش بيغطي احتياجنا للورق بمختلف أوزانه وأحجامه ومقاساته، فبنضطر نستورد الورق من دول زي الصين، اندونيسيا، الهند ودول أوروبا .. وهنتعرف سوا على أهم خامات الورق اللي بيتم الطباعة عليها زي:
ورق الطبع في بيست بوست :
زي ورق البرينتر، الكراسات، الكتب، الأجندات، أوراق الشركات الرسمية، الليتر هيد، البلوك نوت، نشرات الأدوية والاعلانات اللي بتتوزع في الطرق، وجرامات النوع ده من ورق الطبع كتيرة:
(56 جم، 60 جم، 70 جم، 80 جم، 100 جم، 120 جم) وبنلاحظ ان مقاس كل الورق واحد وهو 84.5×60 سم
ما عدا الـ 100 جرام اللي بيكون مقاسه 86×61 سم.
وعلشان تعرف أكتر عن ورق الطبع ممكن تزور مقالتنا وتعرف أكتر عنه..
ورق الكوشية في مطبعة بيست بوست :
من أشهر الورق اللي بنستخدمه في الدعاية والاعلان والطباعة، وبنطبع عليه البورشور، الفلايرز، الكتالوجات، الكروت الشخصية، الدعوات، المجلات، المنيوهات وأغلفة الكتب، يوجد منه النوع المط واللامع، وجرامات ورق الكوشية متنوعة:
(90 جم، 115 جم، 135 جم، 150 جم، 180 جم، 200 جم، 250 جم، 300 جم، 350 جم)
الفرخ السليم من ورق الكوشية مقاسة 100×70 سم، والفرخ الجاير من ورق الكوشية مقاسه 88×66 سم .. وعلشان تعرف أكتر عن الفرق بين الفرخ السليم والفرخ الجاير زور مقالتنا عن الفرق بينهم.
ورق البريستول في مطبعة بيست بوست :
هو ورق مقوى، بنلاقي منه نوعين ناعم وخشن، وأما عن الوانه ففيه البريستول الأبيض والبريستول الملون، وبيتم استخدامه في الرسم الهندسي والفني، وبيتم الطباعة على وجه واحد بس، لأنه ماينفعش يتم الطباعة على الوجهين، لأنهم متشابهين، وبيتم استخدام الخامة دي في كروت المتابعة الخاصة بالدكاترة، والصيدليات .. وجراماته متنوعة:
(130 جم، 140 جم، 180 جم، 230 جم، 240 جم، 250 جم، 280 جم، 300 جم)
والملون متاح منه فقط 130 جم و230 جرام، وألوانه بتتنوع بين الأصفر .. الأخضر الفاتح .. الأحمر الفاتح .. اللبني، وبييجي بمقاس 100×70
وعلشان تعرف معانا باقي أنواع الورق اللي بنطبع عليها هنا في بيست بوست تقدر تتابع مقالتنا عن أنواع ورق الطباعة..
امتى أستخدم الديجتال وامتى الأوفسيت؟
الديجتال: ممتاز على الكميات الصغيرة واللي هتستلمها في وقت قليل جداً..
الأوفسيت: ممتاز على الكميات الكبيرة وتكلفته أقل من الديجتال..
حدد طلبك، واتواصل معانا!
