ورق البريستول في مطبعة بيست بوست
هو ورق مقوى في مطبعة بيست بوست، بنلاقي منه نوعين ناعم وخشن، وأما عن الوانه ففيه البريستول الأبيض والبر يستول الملون، وبيتم استخدامه في الرسم الهندسي والفني، وبيتم الطباعة على وجه واحد بس، لأنه ماينفعش يتم الطباعة على الوجهين، لأنهم متشابهين، وبيتم استخدام الخامة دي في كروت المتابعة الخاصة بالدكاترة، والصيدليات ..
وبنلاحظ ان كلمة بريستول اللي متسمي بيها بيرجع لإسم مدينة في انجلترا اسمها بريستول، ودي المدينة اللي أول مرة كان يتصنع فيها الورق ده..
استخدامات ورق البريستول
بنلاقي ان البريستول بيتم استخدامه عادة فى الرسم الهندسي، وفى اعمال الرسم الفنية، بمساعدة الالوان المائية، وعلشان مواصفاته مثالية جداً بنلاقي ان البريستول بيتم استخدامه فى الطباعة الفنية والدعائية، وده لنعومة سطحه الخارجي، واللون الأبيض الناصع اللي بيتميز بيه، مع توافره بألوان مختلفة هي الأصفر، الأخضر الفاتح، الأحمر الفاتح واللبني.
اوزان ومقاسات ورق البريستول في مطبعة بيست بوست
وجراماته متنوعة:
(130 جم، 140 جم، 180 جم، 230 جم، 240 جم، 250 جم، 280 جم، 300 جم)
والملون متاح منه فقط 130 جم و230 جرام
وألوانه بتتنوع بين الأصفر .. الأخضر الفاتح .. الأحمر الفاتح .. اللبني، وبييجي بمقاس 100×70
ورق البريستول كوشية في مطبعة بيست بوست
وبنلاقي ان ورق البريستول بيدخل في خامة تانية شهيرة جداً وهي خامة البريستول كوشية، الناتجة عن اندماج خامة البريستول والكوشية سوا، وبتتلخص مميزات ورق البريستول كوشية في مرونته وقدرته على التحمل، مع ميزة أكبر في حالة تصنيع العلب وهي انه بيكون أقوى في أماكن اللزق فبتكون علبته أقوى وتحس العلبة ماسكة نفسها ومحتفظة برونقها.
وبييجي بمقاس 100×70 سم أو 88×66 سم .. وسعره بيكون أغلى من الكوشية، لكن بيني وبينك يستحق كل جنية تحطه فيه، لأنك هتاخد متانة وسرعة في اللصق وتاخد علبة ماسكة نفسها أحسن من انك تاخد خامة تانية وعميلك يتضايق من علبة المنتج وياخد انطباع سلبي عنها .. وعلشان تعرف أكتر عن خامة البريستول كوشية تقدر تزور مقالتنا عنها.
ورق الكانسون في مطبعة بيست بوست
بنلاقي ان ورق البريستول لية تسمية تانية، والعجيب انها تسمية شهيرة جداً، وهي الكانسون، والورق ده تصنيع شركة فرنسية اسمها كانسون.
رغم انه اسم متداول الا ان نسبة كبيرة من الناس ما تعرفش ان ورق البريستول هو ورق الكانسون الفرنسي، اللي بيتم استخدامه في الرسوم الهندسية والفنية.
وبكده نكون وصلنا لنهاية مقالتنا وبيّنا ولو جزء بسيط من أهمية من هذا النوع من الورق في مطبعة بيست بوست مجال طباعة الورقيات، ووضحنا أنواعه وجراماته ومقاساته، وبيتم استخدامه في ايه، وبجد بنشكرك لـ إنك وصلت لهنا، استنانا في مقالات مختلفة، وتقدر برضو تتصفّح مدونتنا هتلاقي فيها معلومات مهمة أوعدك انها هتفيدك، ولو عايز تكون أول مين يعرف بإن فيه مقالة نزلت تقدر تشترك في خدمتنا البريدية وهنوافيك بكل جديد يخص عالم الطباعة.
