ورق الطبع في مطبعة بيست بوست
ورق الطبع في مطبعة بيست بوست ؛
اتخلقت الكتابة لتُجسّد التنوع الثقافي والحضاري اللي عاش الانسان علشان يبنيه يوم بعد يوم، وكوّن لينا اللي بنسمية التجربة الانسانية أو الحضارة الانسانية، وبنلاحظ ان الكتابة بتعتمد على عنصرين مهمين هُما أداة الكتابة والمادة اللي بيتم الكتابة عليها.
ومع ادراك الانسان لأهمية الكتابة كان بيزيد اهتمامه بيها، فبدأ يطوّر من طرق الكتابة وأدوات الكتابة والمواد اللي بيتم الكتابة عليها، وده وصّلنا لأهم عنصرين في عالم الطباعة وهُما الحبر والورقة، انتقالاً من الكتابة والتدوين اليدوي للطباعة الآلية مع أول طابعة تم اختراعها في القرن الـ 15 على ايد الألماني جولد سميث جوتنبرج، ومع تطوّر الطباعة واستخدام الانسان ليها كعملية أساسية في جميع أنشطته، أصبح للأحبار والأوراق خامات مختلفة وبقى لكل خامة منتجها اللي بيتم استخراجه منها..
والجدير بالذكر ان الانتاج المحلي من الورق قليل جداً، ومش بيغطي احتياجنا للورق بمختلف أوزانه وأحجامه ومقاساته، فبنضطر هنا في مصر اننا نستورد الورق من دول زي الصين، اندونيسيا، الهند ودول أوروبا ..
وعليه هنتكلم عن أهمية أوراق الطباعة وهنختار نتكلم في كل مقالة عن نوع ورق مميز ليه مجاله اللي بيطلبه، ومنتجه اللي بنستخدمه، وكلامنا النهاردة عن أوراق الطبع..
من أين يأتي الورق؟
الاجابة كلنا نعرفها، وهي ان مصدر الورق هو الخشب، بعد تعريض أليافه لدرجات حرارة مختلفة علشان يتم الوصول لحاجة اسمها اللُب، وهنا بتيجي شوية عمليات تانية بيكون الهدف منها تطعيم الألياف دي بعناصر تانية بحيث تدّي الورق خواص على حسب المهمة المطلوبة منه، وبعدين بيتم تجفيف الورق ولفه على هيئة بكر، بعد مروره بمراحل زي التنعيم والطلاء والنقش وبعد كده التشذيب.
تفاصيل مهمة عن ورق الطبع في مطبعة بيست بوست
ورق الطبع منتج هام جداً وأهميته بتكون في انه عمود أغلب الطباعات الورقية، خصوصاً الورق الابيض بتاع البرينتر “الطابعة” اللي بتقوم عليه أغلب الانشطة والشركات والمؤسسات، نظراً لكثرة الاوراق الرسمية والتقارير اللي بتتطلّب انها تتطبع علشان يتم التوقيع عليها في حالة كان عقد أو تقرير أو اعداد دراسات جدوى أو موازنة، كل الاحتياجات دي بيتم ترجمتها للورق عن طريق طباعتها، الأوراق الرسمية للشركات غاية في الأهمية وبنلاقي ان الليتر هيد أو ورق المراسلات والأظرف بتاعته نوع مهم من الأوراق ما بتستغناش عنه الشركات.. لذا يظل الورق الابيض هو ملك اوراق الطبع اللي بتحتاجه كل الانشطة والشركات والمؤسسات زي ما وضحنا..
بنلاقي ان أهمية ورق الطبع بتبرُز أكتر في عالم الدراسة، خصوصاً المنتجات زي الكراسات اللي ما بيستغناش عنها أي طالب لأنه بيدوّن فيها المعلومات المختلفة اللي بياخدها وقت وجوده في الحصص أو المحاضرات ان كان طالب جامعي، وكمان الكتب بمختلف أنواعها، سواء كانت كتب دراسية، أو كتب للقراءة، وبتتميز الكتب والكراسات بإنهم نوع متداول جداً من المطبوعات اللي لا غنى عنها.
الاعلانات اللي بتتوزع في الطرق للناس دي كمان نوع مهم من أنواع ورق الطبع، البلوك نوت وبلوك النتايج كمان، ومش هننسى أكيد نشرات الأدوية اللي بيعتمد على وجودها كتير من الأشخاص اللي بياخدوا الدوا ده لأن محتوى النشرة بـ يهم أغلب الناس، وهنا شركات الأدوية بتبتدي تشرح الجرعات ودواعي الاستعمال وكمان المحاذير وقت آخدان الدوا وكمان محتوى الدوا علشان لو حد عنده حساسية من مكوّن جوا الدوا يقدر انه يمتنع عنه.
هنا نتأكد ان اوراق الطبع مهمة وبتدخل في حياتنا بشكل كبير، بمختلف أنواعها ومنتجاتها، لكن تظل هي عمود المطبوعات الورقية..
اوزان ومقاسات ورق الطبع في مطبعة بيست بوست
والجميل ان الاوراق بتتوفر بكذا مقاس ووزن في مطبعة بيست بوست، والتنوع في الأوزان ده شيء مهم لأنه بيوفي كل احتياجاتك في مطبعة بيست بوست ، وبيوفرلك المتانة والجودة اللي بتدور عليها، والاوزان بتكون:
– 56 جم – 60 جم – 70 جم
– 80 جم – 100 جم – 120 جم
وبتيجي بمقاس 84.5×60 سم، ما عدا وزن الـ 100 جم بييجي بمقاس 86×61 سم
وبكده نكون سردنا واحد من أهم أنواع ورق الطباعة وهو ورق الطبع وبيّنا ولو جزء بسيط من أهميته في مجال طباعة الورقيات، ووضحنا أنواعه وجراماته ومقاساته، وبيتم استخدامه في ايه، وبجد بنشكرك لـ إنك وصلت لهنا، استنانا في مقالات مختلفة، وتقدر برضو تتصفّح مدونتنا هتلاقي فيها معلومات مهمة أوعدك انها هتفيدك، ولو عايز تكون أول مين يعرف بإن فيه مقالة نزلت تقدر تشترك في خدمتنا البريدية وهنوافيك بكل جديد يخص عالم الطباعة.
