ورق الكوشية في مطبعة بيست بوست
ورق الكوشية من أشهر الورق اللي بنستخدمه في الدعاية والاعلان، وبنطبع عليه البورشور، الفلايرز، الكتالوجات، الكروت الشخصية، الدعوات، المجلات، المنيوهات وأغلفة الكتب، يوجد منه النوع المط واللامع، تحت اسم كوشيه لامع وكوشيه مطفي..
وبشكل عام بنلاقي ورق الكوشية اللي وزنه بيكون خفيف استخداماته أكبر في المجلات والفلايرات والكتالوجات الكبيرة، أما النوع اللي ورقه أتقل بنلاقي انه أفضل في طباعة البروشورات والكروت الشخصية والكتالوجات الصغيرة وأغلفة الكتب والسي دي، وعلب الفاست فوود، والمنيوهات.
أنواع ورق الكوشية في مطبعة بيست بوست
ورق كوشيه اللامع
ملمسة بيكون ناعم وشكله فيه لمعة تخطف، وده لأنه صاحب معدل تشبع للحبر قليل أوي، وده بيخليه مناسب لمنتجات زي الفلايرات والبروشورات وأغلفة الكتب والمجلات وأي منتج بيحتاج تكون الصور اللي فيه بتنطق من لمعانها وجمالها ونعومة ملمسها.
ورق كوشيه المط
بيكون غير لامع خلاف الكوشية اللامع، وبيعتبر انه خيار مثالي للطباعة اللي فيها نصوص كتيرة وبيتم طباعتها بشكل يومي.
أوزان ومقاسات ورق الكوشية في مطبعة بيست بوست
وجراماته متنوعة:
(90 جم، 115 جم، 135 جم، 150 جم، 180 جم، 200 جم، 250 جم، 300 جم، 350 جم)
الفرخ السليم مقاسة 100×70 سم، والفرخ الجاير من مقاسه 88×66 سم ..
ورق البريستول كوشية في مطبعة بيست بوست
وبنلاقي ان ورق الكوشية بيدخل في خامة تانية شهيرة جداً وكان لازم نذكرها وهي خامة البريستول كوشية، الناتجة عن اندماج خامة البريستول والكوشية سوا، وبتتلخص مميزاته في مرونته وقدرته على التحمل، مع ميزة أكبر في حالة تصنيع العلب وهي انه بيكون أقوى في أماكن اللزق فبتكون علبته أقوى وتحس العلبة ماسكة نفسها ومحتفظة برونقها.
وبييجي بمقاس 100×70 سم أو 88×66 سم .. وسعره بيكون أغلى من الكوشية، لكن بيني وبينك يستحق كل جنية تحطه فيه، لأنك هتاخد متانة وسرعة في اللصق وتاخد علبة ماسكة نفسها أحسن من انك تاخد خامة تانية وعميلك يتضايق من علبة المنتج وياخد انطباع سلبي عنها .. وعلشان تعرف أكتر عن خامة البريستول كوشية تقدر تزور مقالتنا عنها.
فإن كنت تبحث عن وكالة دعاية واعلان بمدينة السادات فـ شركة بيست بوست Best Post هي احدي شركات تسويق اونلاين الشركات المتخصصة في الطباعة، وللحصول على خدمة الطباعة لدينا في بيست بوست Best Post لا تتردد في التواصل معنا!
وبكده نكون سردنا معلومات مهمة عن ورق الكوشيه وبيّنا ولو جزء بسيط من أهميته في مجال طباعة الورقيات، ووضحنا أنواعه وجراماته ومقاساته، وبيتم استخدامه في ايه، وبجد بنشكرك لـ إنك وصلت لهنا، استنانا في مقالات مختلفة، وتقدر برضو تتصفّح مدونتنا هتلاقي فيها معلومات مهمة أوعدك انها هتفيدك، ولو عايز تكون أول مين يعرف بإن فيه مقالة نزلت تقدر تشترك في خدمتنا البريدية وهنوافيك بكل جديد يخص عالم الطباعة.
